SA MULING PAGKIKITA
ni Gregorio V. Bituin Jr.
14 pantig bawat taludtod
Sa muling pagkikita, mata'y agad nag-usap
Kinapa ang damdamin, naroon ang pangarap
Kinapa rin ang puso, narito na't kaharap
Ang magandang diwatang kayhirap mahagilap.
Puso'y tumataginting, ngiti niya'y kaytamis
Damdami'y gumagaan, ako'y di nakatiis
Nais ko siyang hagkan, ngunit baka lumabis
Ang tibok niring puso'y kumabog ng kaybilis.
Walang komento:
Mag-post ng isang Komento