KALABIT-PENGE
ni Gregorio V. Bituin Jr.
10 pantig bawat taludtod
maraming nakasahod na kamay
na mula sa mga batang hamog
kawawa ka pag di ka nagbigay
susundan ka nila't kinukuyog
kaunting barya lang daw ang gusto
sa hirap at dusang tinitiis
minsan, sila pa'y patakbo-takbo
nagnakaw pala ang mga putris
ingat sa mga kalabit-penge
marami sa kanila'y salbahe
sa salawal baka mapaihi
dahil sila na'y umaatake
mabuhay sa mundo'y mahirap na
upang makakain, lumaban ka
wasakin ang bulok na sistema
sa lipunan ng kapitalista
Walang komento:
Mag-post ng isang Komento