PAGDIRIWANG NG KAARAWAN
ni Gregorio V. Bituin Jr.
13 pantig bawat taludtod
apat na araw matapos ang kaarawan
nang idaos ang isang munting kasiyahan
naghanda ang mga kapatid ko't magulang
ng pagkaing aming pinagsalu-saluhan
kung aking matatandaan, iyon ang una
sa aking kaarawan ay naghanda sila
kung sakali mang dito'y mayroong nauna
aba'y baka nuong ako'y munting sanggol pa
(* tuwing Oktubre 2 ang kaarawan ng maykatha)
Walang komento:
Mag-post ng isang Komento