KAPIRASONG LUPA
ni Gregorio V. Bituin Jr.
10 pantig bawat taludtod
pilit kinubkob ng maralita
yaong nakatiwangwang na lupa
itinayo nila'y simpleng dampa
nang may masilungan silang dukha
kapirasong lupa'y pinangarap
kahit ang bukas nila'y maulap
demolisyon man ang makaharap
ay lalaban silang mahihirap
tinahana'y kapirasong lupa
ng dukhang tila ba sinumpa
araw-gabi na lang lumuluha
bakit ba tadhana'y nagpabaya
lupang ito'y pag ipinagkait
ay sadyang lalaban silang pilit
karapatan nila'y igigiit
laban sa mga nagmamalupit
Walang komento:
Mag-post ng isang Komento