ANG MANGARAP NG GISING
ni Gregorio V. Bituin Jr.
11 pantig bawat taludtod
di lang pag tulog tayo nangangarap
ng mga bagay na ating naisin
lalo na't danas nati'y pulos hirap
kaya maaring mangarap ng gising
pinapangarap nating magbago na
ang lipunang ating ginagalawan
pangarap nating mawala ang dusa
sa sistemang ating kinasadlakan
iba ang dating ng pikit mangarap
pantasya ang panaginip ng himbing
konting ginhawa lang ang malalasap
hirap pa rin ang danas pag nagising
mulat tayong mangarap ng lipunang
papalit na sa ating kinagisnan
Walang komento:
Mag-post ng isang Komento