BUTI KUNG DALIRI'Y MAY KAPALIT
ni Gregorio V. Bituin Jr.
7 pantig bawat taludtod
pak, pak, bum, bum, pak, pak, boom
sabay-sabay ang putok
para sa bagong taon
yanig ang buong nayon
pak, pak, bum, bum, pak, pak, boom
magdamag ay nilindol
iba'y sisipol-sipol
ang iba'y humagulgol
sinugod sa ospital
ang mga naputukan
sa daliri't paanan
sa braso't sa ulunan
ang lima'y naging tatlo
natanggal pati kuko
dugo'y sirit sa noo
sa tama ng piccolo
taun-taon na lamang
daming napuputulan
di naman mapalitan
ang bahaging nawalan
sino pa ang hihirit
buti kung may kapalit
ang daliring naligpit
sa tradisyong kaylupit
Walang komento:
Mag-post ng isang Komento