SA IKA-17 KAARAWAN NG BMPni Gregorio V. Bituin Jr.
12 pantig bawat taludtod
Bukluran ng Manggagawang Pilipino
pagbati itong ipinaaabot ko
sa ikalabingpitong anibersaryo
ng sosyalistang organisasyong ito
Bukluran ng Manggagawang Pilipino
mga kasama, ako'y taas-kamao
itong abang lingkod sa inyo'y saludo
pagkat naglilingkod kayo sa obrero
Bukluran ng Manggagawang Pilipino
nagkakaisang adhika'y sosyalismo
itatayo ang lipunang makatao
sa hangaring ito'y sama-sama tayo
mabuhay ang BMP! mabuhay kayo!
Walang komento:
Mag-post ng isang Komento