SALITA'Y PANUNUMPA
ni Gregorio V. Bituin Jr.
11 pantig bawat taludtod
(batay sa Kartilya ng Katipunan nina Jacinto't Bonifacio)
akibat ng salita'y pagkatao
dapat mong tuparin pag sinabi mo
panindigan natin ang sinalita
pagkat bawat salita'y panunumpa
pagkain ay di baleng malimutan
kaysa masira sa pinag-usapan
huwag lang kalimutan ang pangako
upang yaong tiwala'y di maglaho
huwag tutularan ang pulitiko
na laging nangangako't nanloloko
di bale nang kumakalam ang tiyan
huwag lamang masira sa usapan
salita’y sumpa sa taong may hiya
singhalaga ng dangal ang salita
kaya tupdin ang anumang usapan
pagkat nakataya ay karangalan
ni Gregorio V. Bituin Jr.
11 pantig bawat taludtod
(batay sa Kartilya ng Katipunan nina Jacinto't Bonifacio)
akibat ng salita'y pagkatao
dapat mong tuparin pag sinabi mo
panindigan natin ang sinalita
pagkat bawat salita'y panunumpa
pagkain ay di baleng malimutan
kaysa masira sa pinag-usapan
huwag lang kalimutan ang pangako
upang yaong tiwala'y di maglaho
huwag tutularan ang pulitiko
na laging nangangako't nanloloko
di bale nang kumakalam ang tiyan
huwag lamang masira sa usapan
salita’y sumpa sa taong may hiya
singhalaga ng dangal ang salita
kaya tupdin ang anumang usapan
pagkat nakataya ay karangalan
Walang komento:
Mag-post ng isang Komento