Trapong Bosing

TRAPONG BOSING
ni Gregorio V. Bituin Jr.
10 pantig bawat taludtod

kung umasta iyang trapo'y bosing
akala mo'y kung sinong magaling
gayong kayrami nilang balimbing
puso nila'y talagang marusing

trapong bosing ay sadyang kayhangin
tingin sa kapwa'y sundalong kanin
trato sa dukha'y pawang alipin
na laging aamot ng pagkain

kung iyang hustisya'y nakapiring
sa kasalanan ng trapong bosing
ang tangi ko lamang mahihiling
tulad nila'y dapat lang ilibing