Ang Nangangailangan

ANG NANGANGAILANGAN
ni Gregorio V. Bituin Jr.
9 pantig bawat taludtod

ang laging nangangailangan
alipin ng nagpapahiram
kaya dapat agad bayaran
ang anumang kanyang inutang

ganyan ang buhay ng busabos
siyang lagi nang kinakapos
tila kandilang nauupos
naghihintay lagi ng limos

kaya anumang kagipitan
ay dapat nating paghandaan
nang kung agad mangailangan
may madudukot sa lukbutan