Ayokong Mabitin

AYOKONG MABITIN
ni greg

hindi bitin ang aking pag-ibig sa iyo
aba'y sobra-sobra pa
bagamat sa ngayon nakatutok ako
sa gawaing pangmasa

bitin minsan akong masilayan ka
at di makita ang ngiti mo
ngunit okey lang iyon, aking sinta
pagkat mahal kitang totoo

bitin man ang aking pantalon
basta di bitin ang pag-ibig
ako'y laging sa iyo'y babangon
at mata sa iyo'y tititig

dahil ayaw kong mabitin, sinta
pagkat laging nangangarap
ng larawan mong kayganda
pagkat lagi kang nasa hinagap