Pula ang Kulay ng Silangan

PULA ANG KULAY NG SILANGAN
ni Gregorio V. Bituin Jr.
9 pantig bawat taludtod, soneto

pula ang kulay ng silangan
tulad ng dugong dumadaloy
sa aking ugat at katawan
pulang kasimpula ng apoy
dapat nang duruging tuluyan
ang mga gahamang bumaboy
sa kinabukasan ng bayan
kaya marami ang palaboy
bawiin ang lahat ng yaman
mula sa mga trapong tukoy
at kapitalistang gahaman
na sa buhay nati'y bumaboy
durugin ang mga dahilan
kung bakit masa'y umaaruy