UNOS, ULOS, UBOS
ni Gregorio V. Bituin Jr.
10 pantig bawat taludtod
nang minsang rumagasa ang unos
at tubig sa bayan ay binuhos
maraming taong tila inulos
pagkat kagamitan ay inubos
ng bahang sa atin ay sumakop
at pumawi ng ating mga sukob
tila walang pag-asang makupkop
pagkat lahat ay nakasubasob
sa naganap na kaytinding unos
kaya kayraming tao'y kinapos
sa kabuhayan nila't panustos
paano sila makakaraos
paano uli magsisimula
pagkatapos ng malaking baha
ayaw nilang magmukhang kawawa
kaya mag-uumpisa sa wala
ngayon naisip nila't natalos
na dapat maghanda silang lubos
pagkat ito'y di pa natatapos
at may paparating pa ring unos
10 pantig bawat taludtod
nang minsang rumagasa ang unos
at tubig sa bayan ay binuhos
maraming taong tila inulos
pagkat kagamitan ay inubos
ng bahang sa atin ay sumakop
at pumawi ng ating mga sukob
tila walang pag-asang makupkop
pagkat lahat ay nakasubasob
sa naganap na kaytinding unos
kaya kayraming tao'y kinapos
sa kabuhayan nila't panustos
paano sila makakaraos
paano uli magsisimula
pagkatapos ng malaking baha
ayaw nilang magmukhang kawawa
kaya mag-uumpisa sa wala
ngayon naisip nila't natalos
na dapat maghanda silang lubos
pagkat ito'y di pa natatapos
at may paparating pa ring unos
Walang komento:
Mag-post ng isang Komento