TUMINDIG, HUWAG LUMUHOD
ni Gregorio V. Bituin Jr.
13 pantig bawat taludtod
(Better to die on your feet than to live on your knees.
- Saul Alinsky on Rules for Radicals)
mabuti pang ang mga paa'y nasa hukay
kaysa mabuhay nang nauuna ang tuhod
mabuti pang sa prinsipyong tangan mamatay
kaysa kung kani-kanino pa nakaluhod
kung talagang pagbabago ang nais natin
dapat una lagi sa atin ang prinsipyo
di baleng may nakatutok sa ulong angkin
kaysa buhay nga'y may takot sa puso't ulo
di tayo maninikluhod sa mga hari
kundi ang ating mga paa'y nakatindig
di natin papayagang malugso ang puri
ng sambayanang di rin naman palulupig
may dangal na ang bawat tao pagkasilang
ipaglaban ito bahiran man ng dugo
kaya nga di dapat lumuhod kaninuman
at sa pakikibaka'y di dapat sumuko
ni Gregorio V. Bituin Jr.
13 pantig bawat taludtod
(Better to die on your feet than to live on your knees.
- Saul Alinsky on Rules for Radicals)
mabuti pang ang mga paa'y nasa hukay
kaysa mabuhay nang nauuna ang tuhod
mabuti pang sa prinsipyong tangan mamatay
kaysa kung kani-kanino pa nakaluhod
kung talagang pagbabago ang nais natin
dapat una lagi sa atin ang prinsipyo
di baleng may nakatutok sa ulong angkin
kaysa buhay nga'y may takot sa puso't ulo
di tayo maninikluhod sa mga hari
kundi ang ating mga paa'y nakatindig
di natin papayagang malugso ang puri
ng sambayanang di rin naman palulupig
may dangal na ang bawat tao pagkasilang
ipaglaban ito bahiran man ng dugo
kaya nga di dapat lumuhod kaninuman
at sa pakikibaka'y di dapat sumuko
Walang komento:
Mag-post ng isang Komento