Pamasahe at Langis

PAMASAHE AT LANGIS
ni Gregorio V. Bituin Jr.
11 pantig

Sagot ba'y taasan ang pamasahe
Pag tumaas din itong presyo ng langis
Tugon na lang ba lagi'y magbalanse
Pagtaas ay sasabayang mabilis

Pag presyo ng isa'y biglang tumaas
Tugong kagyat presyo'y habulin agad
Habulan ng presyo ang nilalandas
At naging ganito na ang palakad

Sagot sa problema'y bakit kukunin
Sa masa gayong isa pang pahirap
Sa kanila ang dagdag na gastusin
Parang di natin sila nililingap

(tatapusin)