DI DAPAT MASAYANG ANG ATING PANGARAP
ni Gregorio V. Bituin Jr.
12 pantig bawat taludtod
Sa ngayon ay nalalambungan ng ulap
Ang buhay dito kaya aandap-andap
Ang maraming tila ang mga hinagap
Ay di na maabot yaong alapaap.
Dusa't kahirapan itong nalalanghap
Tila ba sariwang dugo'y lumaganap
Sa lipunang wari'y di na nililingap
Pagkat naglipana'y pawang mapagpanggap.
Ngunit dapat patuloy tayong magsikap
Upang maibsan ang mga paghihirap
Nitong mamamayang puno ng pangarap
Tungo sa hustisya't pagbabagong ganap.
Karapatan natin ay may mga sangkap
Upang makamtan ang katarungang hanap
Makatao, kolektibo, nag-uusap
Mga anomalya'y di katanggap-tanggap.
Tayo'y dapat magtulungan at magsikap
Na lipunang ito'y mabago nang ganap
Sa pagkilos di tayo dapat kukurap
Upang di masayang ang ating pangarap.
ni Gregorio V. Bituin Jr.
12 pantig bawat taludtod
Sa ngayon ay nalalambungan ng ulap
Ang buhay dito kaya aandap-andap
Ang maraming tila ang mga hinagap
Ay di na maabot yaong alapaap.
Dusa't kahirapan itong nalalanghap
Tila ba sariwang dugo'y lumaganap
Sa lipunang wari'y di na nililingap
Pagkat naglipana'y pawang mapagpanggap.
Ngunit dapat patuloy tayong magsikap
Upang maibsan ang mga paghihirap
Nitong mamamayang puno ng pangarap
Tungo sa hustisya't pagbabagong ganap.
Karapatan natin ay may mga sangkap
Upang makamtan ang katarungang hanap
Makatao, kolektibo, nag-uusap
Mga anomalya'y di katanggap-tanggap.
Tayo'y dapat magtulungan at magsikap
Na lipunang ito'y mabago nang ganap
Sa pagkilos di tayo dapat kukurap
Upang di masayang ang ating pangarap.
Walang komento:
Mag-post ng isang Komento