DILIGIN MAN NG MALAPOT NA DUGO
ni Gregorio V. Bituin Jr.
Halina't magpatuloy tayo sa pakikibaka
at nang loob mo'y huwag panghinaan
pagkat kailangan nating baguhin ang sistema
nitong lipunang pinaghaharian
ng burgesya't ng mga kasaping kapitalista
na mga elitista ngang gahaman.
Nagkakaisa tayong baguhin itong sistema
kaya sa laban tayo'y di susuko
nakatalagang ito na ang huli nating laban
diligin man ng malapot na dugo
itong bansa't lupa ng ating kapwa mamamayan
sariling dugo man ang mabubo
Nilalandas natin ay panibagong pag-asa
para sa mamamayang naghihirap,
nagugutom at pinagsasamantalahang masa
ipaglaban natin yaong pangarap
na baguhin ang lipunan at bulok na sistema
upang kaginhawaan na'y malasap.
Ang mga nasa kapangyarihan ay kayluluho
kaban ng bayan itong ninanakawan
ninakaw din nila ang ating dangal, diwa't dugo
para lang sa kanilang kapakanan
diligan man ang bayan ng malapot nating dugo
ay ibagsak natin silang tuluyan.
ni Gregorio V. Bituin Jr.
Halina't magpatuloy tayo sa pakikibaka
at nang loob mo'y huwag panghinaan
pagkat kailangan nating baguhin ang sistema
nitong lipunang pinaghaharian
ng burgesya't ng mga kasaping kapitalista
na mga elitista ngang gahaman.
Nagkakaisa tayong baguhin itong sistema
kaya sa laban tayo'y di susuko
nakatalagang ito na ang huli nating laban
diligin man ng malapot na dugo
itong bansa't lupa ng ating kapwa mamamayan
sariling dugo man ang mabubo
Nilalandas natin ay panibagong pag-asa
para sa mamamayang naghihirap,
nagugutom at pinagsasamantalahang masa
ipaglaban natin yaong pangarap
na baguhin ang lipunan at bulok na sistema
upang kaginhawaan na'y malasap.
Ang mga nasa kapangyarihan ay kayluluho
kaban ng bayan itong ninanakawan
ninakaw din nila ang ating dangal, diwa't dugo
para lang sa kanilang kapakanan
diligan man ang bayan ng malapot nating dugo
ay ibagsak natin silang tuluyan.
Walang komento:
Mag-post ng isang Komento