MATA SA DINGDING
ni Matang Apoy
(alay sa iginuhit ng isang babaeng painter na taga-multiply)
takot ba ang sa mata niya'y namumuo
kaya sa likod ng dingding ay nagtatago
bakit kaya siya'y tila tulirong tuliro
at ang luha sa mata'y tila matutuyo
isang palaisipan ang kanyang pagsilip
sa butas na yaong may dusang halukipkip
yaon kayang dibdib niya'y di naninikip
pagkat may pagkabahala sa kanyang isip?
Walang komento:
Mag-post ng isang Komento