WALA PALA AKO KAHIT KATABI MO
ni Gregorio V. Bituin Jr.
8 pantig
Inamin mong ako'y wala
Kahit tayo'y magkasama
Sa aki'y walang mapala
Kundi pasakit at dusa.
Ikaw lamang ang adhika
Ng puso kong sumisinta
Kaya ako na'y lumuha
Katabi mo'y wala pala
Ramdam ko'y kaawa-awa
Walang silbi ang pagsinta
Puso't diwa ko'y nawala
Ako ngayo'y nasa dusa.
Ako'y wala nang magawa
Kung ang tingin mo'y ganyan na
Ikaw na'y pinalalaya
Nang may mapala ka, sinta.
O, ikaw man ay nawala
Tandaan mong mahal kita.
Walang komento:
Mag-post ng isang Komento