Cheating President, Resign!
ni Greg Bituin Jr.
10 pantig bawat taludtod
Ito’ng nais ng pangulong peke
Na lider nitong gobyernong bingi
At ng mga parak na butete
Pati makabagong Makapili.
Kaya pag nakita ka sa rali
Ng mga unipormadong pipi
Sila’y walang pag-aatubili
At hindi rin naman magtitimpi
Umilag ka’t baka magarote.
Karapatan mo namang magrali
Ay ikaw pa itong sinisisi
Kahit pumutok ang iyong labi
Sila sa’yo’y sadyang walang paki
Parang aso pa silang ngingisi.
Walang komento:
Mag-post ng isang Komento