PAGTINGIN
ni Gregorio V. Bituin Jr.
15 pantig bawat taludtod
sa iyo'y hindi maglalaho ang aking pagtingin
kahit maglaho pa, sinta, ang aking paningin
maagnas man itong buto, ikaw ay iibigin
madurog man akong pino, ikaw ay mamahalin
sa pag-iisa ko, ngalan mo'y laging sinasambit
sa puso ko ngalan mo'y mag-isa kong isasabit
ukol sa iyo ang pag-ibig kong di magmamaliw
para sa iyo ang buhay ko't bukas, aking giliw
Walang komento:
Mag-post ng isang Komento