MAASIM MAN ANG PAKIKIBAKA
ni Gregorio V. Bituin Jr.
12 pantig bawat taludtod
maasim man ang ating pakikibaka
tamis ng tagumpay nawa'y ating kamtin
kaya halina tayo'y mag-organisa
nang makamit natin ang ating layunin
kung ang pakikibaka nati'y kaypakla
sadyang kayraming dakilang sakripisyo
kaya ibilin sa uring manggagawa
dapat nang maging pwersa ng pagbabago
sosyalismong diwa'y atin nang yakapin
manggagawa'y gawin nating inspirasyon
tagumpay ng ating adhika'y tiyakin
hanggang umabot sa pagbabagong layon
bulok na sistema'y atin nang igupo
kahit na sa sakripisyo'y punong-puno
Walang komento:
Mag-post ng isang Komento