ALIMUOM NG BAGONG PAGSINTA
ni Gregorio V. Bituin Jr.
16 pantig bawat taludtod
sa sinumang dilag, puso'y bukas ng makatang aba
lalo na't mapupusuan ay magandang aktibista
biyaya ng pag-ibig sa puso ko'y tiyak kakasya
pagkat sisidlang ito'y laging walang laman sa twina
o, magandang aktibista, laging inspirasyon kita
sabay nating tahakin yaong landas na sosyalista
magkasama tayo sa pag-ibig at pakikibaka
sa dakilang pag-ibig ko'y pitasin mo yaring bunga
nakita na kita, mahal, niyanig mo itong puso
ngunit bakit ba ang puso natin ay di pa magtagpo
dahil ba makata'y aba pa't baka ka masiphayo
kaya hinahayaan mo nang ang puso ko'y magdugo
kaya ngayon, ang makatang aba'y naghahanap muli
ng bagong iibiging nais niyang lagyan ng binhi
ayaw na niyang kalumbayan sa puso'y manatili
nais niyang ang puso ng mahal ay maipagwagi
ni Gregorio V. Bituin Jr.
16 pantig bawat taludtod
sa sinumang dilag, puso'y bukas ng makatang aba
lalo na't mapupusuan ay magandang aktibista
biyaya ng pag-ibig sa puso ko'y tiyak kakasya
pagkat sisidlang ito'y laging walang laman sa twina
o, magandang aktibista, laging inspirasyon kita
sabay nating tahakin yaong landas na sosyalista
magkasama tayo sa pag-ibig at pakikibaka
sa dakilang pag-ibig ko'y pitasin mo yaring bunga
nakita na kita, mahal, niyanig mo itong puso
ngunit bakit ba ang puso natin ay di pa magtagpo
dahil ba makata'y aba pa't baka ka masiphayo
kaya hinahayaan mo nang ang puso ko'y magdugo
kaya ngayon, ang makatang aba'y naghahanap muli
ng bagong iibiging nais niyang lagyan ng binhi
ayaw na niyang kalumbayan sa puso'y manatili
nais niyang ang puso ng mahal ay maipagwagi
Walang komento:
Mag-post ng isang Komento