MAY NAMAMATAY DIN PALA SA KABUSUGAN
ni Greg Bituin Jr.
15 pantig
may mga ilan na ang namatay sa kabusugan
ngunit mas maraming namamatay sa kagutuman
sa mundo'y kayraming naghihirap ang nalulumbay
dahil walang makain, para silang mga patay
kaytitindi ng gutom nila't di na makadighay
parang nauupos na kandilang nakalupasay
sa banig ng karukhaang tila di mabubuhay
may mayayaman namang namatay sa kabusugan
baka sa kasakiman nila'y doon nasobrahan
lamon ng lamon silang para bang butas ang tiyan
di maalalang magbahagi sa gutom na bayan
sana'y mabulunan sila't mamatay ng tuluyan
panahon nang naghihirap ay mag-aklas ng tunay
hanggang sistema'y malugmok at sila'y magtagumpay!
ni Greg Bituin Jr.
15 pantig
may mga ilan na ang namatay sa kabusugan
ngunit mas maraming namamatay sa kagutuman
sa mundo'y kayraming naghihirap ang nalulumbay
dahil walang makain, para silang mga patay
kaytitindi ng gutom nila't di na makadighay
parang nauupos na kandilang nakalupasay
sa banig ng karukhaang tila di mabubuhay
may mayayaman namang namatay sa kabusugan
baka sa kasakiman nila'y doon nasobrahan
lamon ng lamon silang para bang butas ang tiyan
di maalalang magbahagi sa gutom na bayan
sana'y mabulunan sila't mamatay ng tuluyan
panahon nang naghihirap ay mag-aklas ng tunay
hanggang sistema'y malugmok at sila'y magtagumpay!
Walang komento:
Mag-post ng isang Komento