Nakasiyam na Taon na Siya

NAKASIYAM NA TAON NA SIYA
ni Gregorio V. Bituin Jr.
10 pantig

O, bayan, may napala ba kayo
Sa siyam na taong pamumuno
Ng pamahalaan ni Arrovo
Di ba't sinuka na ninyo'y dugo

Nakasiyam na taon si Gloria
Bilang pangulo ng ating bansa
Ngunit siyam na taong disgrasya
Itong napala ng kapwa dukha

Wala ngang kwenta ang namumuno
Pagkat ang tanging inasikaso
Ay kung saan lang siya tutubo
At serbisyo'y ginawang negosyo

Aba'y sobra ang siyam na taon
Ng pagkawawa sa sambayanan
Dapat siya'y tuluyang ibaon
Sa kangkungan na ng kasaysayan

Halina't sa kanyang huling SONA
Ay lumabas tayo sa lansangan
At sa kanyang mukha'y ipakita
Bulok ang kanyang panunungkulan!