KALABAN AT SARILI, AYON KAY SUN TZU
ni Gregorio V. Bituin Jr.
10 pantig, soneto
Pakinggan itong magandang payo
Ng mandirigmang Sun Tzu na guro
Upang buhay di agad maglaho
At di agad tumagas ang dugo
Sa digmaang nakakatuliro:
"Kilalanin mo yaong kalaban
Sarili'y kilalanin din naman."
At tiyak na sa bawat digmaan
Hindi ka agad mapupuruhan
At ito'y mapapagtagumpayan.
Kaya payo ni Sun Tzu'y isipin
At sa kalooban ay angkinin
Nang matiyak ang tagumpay natin
Laban sa uring mapang-alipin.
Walang komento:
Mag-post ng isang Komento