SA KUKO NG LAWIN
ni Greg Bituin Jr.
(animang pantig bawat taludtod)
Sa kuko ng lawin
Nais kong umalpas
Ito’y dapat gawin
Upang pumarehas.
Nais kong lumaya
Dapat nang malagot
Itong tanikala
Ng isang bangungot.
Di ba’t tama lamang
Na ako’y mangarap
Nang hindi masayang
Ang buhay sa hirap.
Ito’ng aking layon
Tungong rebolusyon.
Nalathala sa publikasyong Taliba ng Maralita, Tomo X, Blg 3, Taon 2005, p.8.
Ang Taliba ng Maralita ang opisyal na publikasyon ng Kongreso ng Pagkakaisa ng Maralitang Lungsod (KPML).
Ang Taliba ng Maralita ang opisyal na publikasyon ng Kongreso ng Pagkakaisa ng Maralitang Lungsod (KPML).
Walang komento:
Mag-post ng isang Komento