TUBO ANG ITINATAHOL
ni Greg Bituin Jr.
(lalabing-isahing pantig bawat taludtod)
Tubo lagi itong itinatahol
Ng mga taong tila nauulol
Pag tubo’y lumiit ay nagmamaktol
At manggagawa itong hinahabol
Ang oras natin ay lubhang ginagahol
Nitong gobyernong sadya yatang bopol
Halinang kumilos, tayo’y tumutol
At ang sambayanan ay ipagtanggol
Laban sa sistemang dapat madedbol.
Walang komento:
Mag-post ng isang Komento