Kay Sophia
Sophia, O, aking Sophia
Narito ang ating anak na si Jimboy
Lagi kang hinahanap-hanap
Habang kaulayaw mo si Miguel
Na sa katotohana’y
Siya ang kapatid kong si Jerome.
Mahal kita, Sophia, mahal na mahal
Kahit pa nagpalit ka na ng pangalan
Kahit ikaw na ngayon si Carol
Si Carol na walang nakaraan
Habang si Sophia naman
Ay walang kasalukuyan.
Kahit nandyan ang magandang si Diane
Ikaw lamang ang nasa puso ko’t isipan
Alam kong darating din ang araw
Magkakasama-sama tayong muli
Mabubuo ang pamilyang nagkawalay
Dahil sa salimuot ng Silvaria.
- greg bituin jr.
Mayo 7, 2008
(Ang Joaquin Bordado ay palabas sa telebisyon na pinagbibidahan nina Robin Padilla at Iza Calsado.)
Walang komento:
Mag-post ng isang Komento