ito ang nagpapatamis sa kabila ng anghang
at gumuguhit ang sarap gaano man katabang
magkasalubong man sa ilang ay di naiilang
duguan man sa digmaan, di bawal ang pag-ibig
sa kalayaan ng bayan nga'y nagkakapitbisig
kahit lahi man ay magkaiba'y pinagniniig
pagsulyap sa magagandang ngiti'y nakaaantig
halina't pairalin na ang pag-ibig sa lupa
lalo sa uring api, magsasaka, manggagawa
tayo'y magpakatao't bawat isa'y makalinga
punuin natin ng pag-ibig yaring puso't diwa
- gregbituinjr.
Walang komento:
Mag-post ng isang Komento