Sabado, Hulyo 9, 2016

Pagninilay sa panahon ng gipit

PAGNINILAY SA PANAHON NG GIPIT
ni Gregorio V. Bituin Jr.
8 pantig bawat taludtod

manggagawa, maralita
magsasaka, mangingisda
mga sektor ng dalita
isang kahig, isang tuka
iisang uri at dukha

nabuhay, sipag, tiyaga
danas ang hirap at tuwa
di papayag makawawa
pag naghimagsik ay handa
kahit buhay itataya

subalit kailan kaya
magsisikilos ng kusa
silang mga may adhika
upang tuluyang lumaya
itong uring manggagawa

Walang komento: