MAGKAIBA MAN NG DAIGDIG
ni Gregorio V. Bituin Jr.
11 pantig bawat taludtod
magkaiba man ang ating daigdig
nagkakasama dahil sa pag-ibig
magkabila man tayo ng ibayo
may dangal tayong dapat irespeto
magkasalunga man yaring kalinangan
sa bawat sakuna'y nagtutulungan
magkaiba man ng kulay ng balat
iisa ang karapatan ng lahat
magkaiba man kita ng kultura
alipin din ng bulok na sistema
subalit pag magkaiba ng uri
sanhi nito'y pribadong pag-aari
uri sa lipunan dapat mapawi
upang magwakas ang mga tunggali
Walang komento:
Mag-post ng isang Komento