TATLONG GIYA NG BUHAY
ni Gregorio V. Bituin Jr.
8 pantig bawat taludtod
Nasaan na tayo ngayon?
Patungo ba saan tayo?
Paano marating iyon?
Tatlong giya sadya ito
Sa bawat mga balakin
Tatlong giya'y aasahan
Sa anumang adhikain
Mga bunga'y makakamtan
Sa digmaan man o rali
Sa opisina o bukid
Tatlong giya'y siyang saksi
Kung pinto'y bukas o pinid?
Giya'y landas ng tagumpay
Na dapat gamiting husay.
Walang komento:
Mag-post ng isang Komento