Biyernes, Setyembre 21, 2012

Pulong Tuwing Ikasiyam ng Umaga


PULONG TUWING IKASIYAM NG UMAGA
ni Gregorio V. Bituin Jr.
13 pantig bawat taludtod

tuwing ikasiyam ng umaga'y may pulong
anong gagawin nila sa buong maghapon
naroon pa ba sila sa tamang direksyon
sa paraang ito'y walang naglilimayon

laging may pagtatasa't anong tinatakbo
lahat ba'y nakakasunod sa takdang plano
ang bawat isa'y palitan ng kuro-kuro
pag may suliranin inaayos ng husto

magandang patakaran, mabisang pinuno
magandang halimbawang ang kapara'y ginto
upang tinakdang layunin ay di gumuho
upang sa mga gawain ay di mabigo

- Setyembre 20, 2012, sa tanggapan ng Yaung Chi Oo

Walang komento: