MGA KASALAMUHA
ni Gregorio V. Bituin Jr.
14 pantig bawat taludtod
sa araw at gabi'y kayraming kasalamuha
maaring bida't kontrabida sa kwento't tula
posibleng tauhan sa akda kong kinakatha
sila yaong bubuhay sa saknong at talata
bawat mga danas ay maaaring eksena
habang sa kwento'y lulutang ang isang persona
mga posibleng piyesa sa tula't nobela
iwasiwas ang pluma sa hapdi, kirot, saya
lilitaw tiyak ang paniwala mo't prinsipyo
sa bawat kathang kinatas sa puso mo't ulo
sinong nakasalamuha ang bida sa kwento
masa ba'y anong aral ang mahihita dito
tila nga buhay na buhay ang bawat sitwasyon
tulad din ng karakter doon sa telebisyon
salita'y kikilos sa bawat talata't saknong
ngunit tayo lamang ang dapat doong magdugtong
Walang komento:
Mag-post ng isang Komento