HAMPASLUPA AT DAKILA
ni Gregorio V. Bituin Jr.
Hampaslupa ba'y kilala ng mga dakila
Maari bang dakilain ang mga hampaslupa
Pagkahampaslupa ba'y pagkadakila
Dahil isinilang na walang-wala
Walang saplot nang isilang
Walang sariling tahanan
Walang karapatan
Kung wala siyang karapatan
Bakit siya dakila
O dahil walang karapatan
Kaya siya hampaslupa
O ang mga hampaslupa'y
Alipin ng dakila
Walang komento:
Mag-post ng isang Komento