ANG TUKSO NG KAPITAL
ni Gregorio V. Bituin Jr.
9 pantig bawat taludtod
kasalanan bang maging ganid
kung tubo naman ang kapalit
kahit madale pa'y kapatid
basta't tubo'y mahalukipkip
kasalanan bang maging sakim
kaysa buhay ay nasa dilim
anuma'y kanilang gagawin
basta't pagtutubuan pa rin
kasalanan bang maging hangal
sa bawat tukso ng kapital
basta't tumubo'y walang banal
kahit sinuman sinasakmal
tubo na'y pinipintakasi
kahit kapatid dinadale
tila dyablong ngingisi-ngisi
sa tubo ang puso ng imbi
Walang komento:
Mag-post ng isang Komento