PANGARAP NA HANDOG
ni Gregorio V. Bituin Jr.
11 pantig bawat taludtod
pangarap nating kayganda't kaytayog
na nagbabagang diwa'y mailuhog
at ang nasang pagbabago'y mahinog
na sa sambayanan ay maihandog
ngunit sa hirap tayo nama'y lamog
habang tiyan ng trapo'y bumibintog
sa kurakutan ang gobyerno'y bantog
pati na mga pulitikong hambog
ulo nati'y kanilang binibilog
kawawa naman itong bayang irog
o, kailan ba tayo mauuntog
upang bulok na sistema'y ilubog
halina't kumilos tayong may libog
di lalamya-lamya't baka mabaog
sistemang bulok ay dapat madurog
nang bagong bukas ang ating mahubog
ni Gregorio V. Bituin Jr.
11 pantig bawat taludtod
pangarap nating kayganda't kaytayog
na nagbabagang diwa'y mailuhog
at ang nasang pagbabago'y mahinog
na sa sambayanan ay maihandog
ngunit sa hirap tayo nama'y lamog
habang tiyan ng trapo'y bumibintog
sa kurakutan ang gobyerno'y bantog
pati na mga pulitikong hambog
ulo nati'y kanilang binibilog
kawawa naman itong bayang irog
o, kailan ba tayo mauuntog
upang bulok na sistema'y ilubog
halina't kumilos tayong may libog
di lalamya-lamya't baka mabaog
sistemang bulok ay dapat madurog
nang bagong bukas ang ating mahubog
Walang komento:
Mag-post ng isang Komento