IBAGSAK ANG MGA TRAPO
ni Gregorio V. Bituin Jr.
8 pantig
Kawawa na naman tayo
Pag sila'y muling naboto
Kaya ang panawagan ko:
Ibagsak ang mga trapo!
Trapo'y mga pulitiko
Na ginagawa sa pwesto
Serbisyo'y ninenegosyo
Kaya't di nagseserbisyo.
Pag ang namumuno'y trapo
Kawawa ka, Pilipino
Sistema'y dapat mabago
Kaya magkaisa tayo!
Ibagsak ang mga trapo
Huwag paapi, bayan ko!
Walang komento:
Mag-post ng isang Komento