Kapitalismo 101

KAPITALISMO 101
ni Gregorio V. Bituin Jr.

1

Ang kapitalismo pag yumakap
Tila nanggagahasa ng dilag
Lagi na lang tubo ang apuhap
Birhen sa paggawa’y nilalaspag.

2

Kapitalismo’y sistema ng mandarahas
Ng mga mapang-api’t mga talipandas
Mga kasama, hawanin natin ang landas
Upang bulok na sistema’y agad mautas.

3

Kapitalismo ay anong katuturan
Kung tingin nito sa babae’y laruan
Kapitalismo’y sadyang walang paggalang
Sa babaeng kalahati ng lipunan.

ang larawan ay mula sa http://seeingredradio.files.wordpress.com/2009/09/600px-capitalism_graffiti_luebeck1.jpg