BALIK UPAK
tila ba bagong pananagalog
BALIK UPAK ang sabi sa ulat
kakaiba kumbaga sa tugtog
ang salitang nais ipakalat
dalumat naman ang kahulugan
balik upak, balik sa ensayo
may laban nang pinaghahandaan
itong magaling na boksingero
dagdag sa arsenal ng makata
ang sa ulat ay mga kataga
marahil di bago kundi luma
o gayon ang salin ng salita
napupuno ang bokabularyo
sa mga salitang pinauso
na magagamit sa tula't kwento
na ngayon ay sinisimulan ko
- gregoriovbituinjr.
12.06.2024
* ulat mula sa pahayagang Bulgar, Disyembre 4, 2024, pahina 12
Walang komento:
Mag-post ng isang Komento