ILANG PANANAW SA HALALAN
ni Gregorio V. Bituin Jr.
10 pantig bawat taludtod
kaygagaling natin sa pigura
ngunit bakit bigo ang resulta
sa isang lugar, atin ang masa
ngunit natalo sa lugar nila
tayo pa naman ay umaasa
pagkat di pala organisado
lumabas din kung anong totoo
may kausap lang na ilang tao
akala boto na'y sigurado
paano nga ba tayo mananalo
ano kayang klaseng kampanyahan
ang ginawa ng mga samahan
sadya bang gitgitan yaong laban
nasa atin ang pwersa ng bayan
bakit talo tayo sa halalan
sa kampanyahan, utak sa utak
trapo'y tutuntong kahit sa burak
pera'y mudmod sa masang malawak
iyan ang di kaya nating hamak
pag natalo'y gagapang sa lusak
Walang komento:
Mag-post ng isang Komento