ni Gregorio V. Bituin Jr.
9 pantig bawat taludtod
dama ko sa paglalagalag
tila buhay sa mundo'y hungkag
hinahanap ko ang liwanag
subalit di ko maaninag
paglaya'y di ko maapuhap
saan ito mahahagilap
tila ba nasa alapaap
at lihis ang lumalaganap
nasa labas nga'y nakapiit
pagkat puso'y puno ng galit
sa sistemang mapagmaliit
at walang pagmamalasakit
lipunang tila isinumpa
ay bayan ang kinakawawa
tao ba'y paano lalaya
sa lumukob na dusa't luha
Walang komento:
Mag-post ng isang Komento