BOTO KO, WALANG PRESYO
ni Gregorio V. Bituin Jr.
7 pantig bawat taludtod
sabi ng aking amo
ito ang iboto mo
at yayaman ka dito
sa aming kandidato
subalit isang trapo
ang kanyang nirereto
kapal ng pisngi't noo
siya ba'y walang modo
binibili'y prinsipyo
at aking pagkatao
kaya ang sinabi ko:
boto ko'y walang presyo!
ilang taon sa pwesto
iyang kandidato
babawi pag nanalo
kawawa ang bayan ko
Walang komento:
Mag-post ng isang Komento