Iboto ang Wasto, Iwasto ang Boto

IBOTO ANG WASTO, IWASTO ANG BOTO
ni Gregorio V. Bituin Jr.
8 pantig bawat taludtod

iboto natin ang wasto
iwasto natin ang boto
ito ang dapat sa trapo
na sadyang tumarantado
sa mga dukhang narito

halina't tayo'y magnilay
di ba't nasa ating kamay
yaong botong matagumpay
kaya ibagsak ng tunay
ang mga trapong pasaway

iboto natin ang wasto
iwasto natin ang boto
ito'y payo sa boboto
upang bansa'y umasenso
kasama ang mga tao