LARAWANG HUNGKAG
ni Gregorio V. Bituin Jr.
7 pantig bawat taludtod
Doon sa aking lungga
Ako nga'y napalinga
Sa larawan at mukha
Ng dalagang tulala.
Kayganda niyang sadya
At kay amo ng mukha
Ngunit anang balita
Ang sarili'y nawala.
Ang buhay nitong dilag
Ay agad naging hungkag
Magmula nang binihag
Ng mga sigang bangag.
Di siya nakapalag
Nang ang puri'y nilaspag
Ngayon nga'y di matinag
Tulala't parang bulag.
Sayang na kagandahan
Ng aking paraluman
Na nais kong ligawan
At maging kasintahan.
Pinangarap ko siya
Pagkat isang diyosa
Na sa diwa'y halina
At sa puso ko'y sinta.
Sana'y kanyang makaya
Ang dinaanang dusa
Nang makabangon siya
Sa pagkadapa niya.
Nawa'y di na maulit
Ang nangyaring kaylupit
Dahil nakagagalit
Yaong kanyang sinapit.
ni Gregorio V. Bituin Jr.
7 pantig bawat taludtod
Doon sa aking lungga
Ako nga'y napalinga
Sa larawan at mukha
Ng dalagang tulala.
Kayganda niyang sadya
At kay amo ng mukha
Ngunit anang balita
Ang sarili'y nawala.
Ang buhay nitong dilag
Ay agad naging hungkag
Magmula nang binihag
Ng mga sigang bangag.
Di siya nakapalag
Nang ang puri'y nilaspag
Ngayon nga'y di matinag
Tulala't parang bulag.
Sayang na kagandahan
Ng aking paraluman
Na nais kong ligawan
At maging kasintahan.
Pinangarap ko siya
Pagkat isang diyosa
Na sa diwa'y halina
At sa puso ko'y sinta.
Sana'y kanyang makaya
Ang dinaanang dusa
Nang makabangon siya
Sa pagkadapa niya.
Nawa'y di na maulit
Ang nangyaring kaylupit
Dahil nakagagalit
Yaong kanyang sinapit.
Walang komento:
Mag-post ng isang Komento