tulad nati'y mga manggagawang sanay sa hirap
sa buhay na ito'y nagpupunyagi't nagsisikap
ang asam na kaginhawahan ang hinahagilap
at isang lipunang makatao'y pinapangarap
babaguhin natin ang lipunang ganid na ito
papalitan natin ang sistemang kapitalismo
pagbubuklod-buklurin natin ang mga obrero
upang itayo ang lipunan nilang sosyalismo
mga manggagawa, tayo'y dapat magkapitbisig
upang ganid na kapitalismo'y ating malupig
mapang-api't mapagsamantala'y dapat mausig
at daing ng obrero'y talagang maisatinig
- gregbituinjr.
Walang komento:
Mag-post ng isang Komento