PULUTGATA
ni Gregorio V. Bituin Jr.
13 pantig bawat taludtod
matagal na panahon din kitang minahal
di mo pinansin, nais kong magpatiwakal
ngunit di ko nagawa, ayaw kong mawaglit
ang ganda mong sa alaala ko'y kayrikit
ngayon nga, kitang dalawa na'y ikakasal
inibig akong sa iyo'y nagpakahangal
magandang rosas ka ng aking panaginip
paruparo akong sa iyo'y nakahagip
sa ating pagtatalingpuso, aking mahal
pupunta kita sa kay Kupidong pedestal
kawagasan ng pag-ibig ang halukipkip
salamat, sa pagsinta ko'y di ka nainip
rosas kitang dadalhin sa aking kuta
upang damhin yaong tamis ng pulutgata
Walang komento:
Mag-post ng isang Komento