PALITADA'T SAMPAY
ni Gregorio V. Bituin Jr.
15 pantig bawat taludtod
hinahagod ng hangin ang basang baro't pantalon
tila baga bawat ihip ay may tinatalunton
animo’y nagpipigang pilit sa buong maghapon
gayong sa titig ng araw, iga ang mga iyon
labandero sa gabi, karpintero sa umaga
manggagawa'y doble kayod, tuloy ang palitada
umaasang paglabas sa trabaho'y masuot na
ang nilabhang polo't pantalon na gamit na pamporma
tulad ng palitadang ang semento'y pinapantay
hangad ng manggagawang lipunan din ay mapantay
tulad ng baro't pantalong nilabhan at sinampay
tiwaling pamahalaan nga'y malinisang tunay
ni Gregorio V. Bituin Jr.
15 pantig bawat taludtod
hinahagod ng hangin ang basang baro't pantalon
tila baga bawat ihip ay may tinatalunton
animo’y nagpipigang pilit sa buong maghapon
gayong sa titig ng araw, iga ang mga iyon
labandero sa gabi, karpintero sa umaga
manggagawa'y doble kayod, tuloy ang palitada
umaasang paglabas sa trabaho'y masuot na
ang nilabhang polo't pantalon na gamit na pamporma
tulad ng palitadang ang semento'y pinapantay
hangad ng manggagawang lipunan din ay mapantay
tulad ng baro't pantalong nilabhan at sinampay
tiwaling pamahalaan nga'y malinisang tunay
Walang komento:
Mag-post ng isang Komento