PUSONG BANGAG
ni Gregorio V. Bituin Jr.
9 pantig bawat taludtod
sa gabing ako'y nakapikit
ako'y tila ba nasa langit
ang mukha ng sintang kayrikit
sa iwing diwa'y gumigitgit
tila sa pagtuloy ay bangag
pikit ngunit napapapitlag
kadiliman ay binabasag
lalo't naalala ang dilag
bangag nga ba ang aking puso
sa sinta'y laging nalalango
pag siya sa diwa'y tumimo
bangag akong natutuliro
sa dilim ay di padadaig
sa liwanag puso'y pumintig
dapat nang siya'y makaniig
habang bangag pa sa pag-ibig
ni Gregorio V. Bituin Jr.
9 pantig bawat taludtod
sa gabing ako'y nakapikit
ako'y tila ba nasa langit
ang mukha ng sintang kayrikit
sa iwing diwa'y gumigitgit
tila sa pagtuloy ay bangag
pikit ngunit napapapitlag
kadiliman ay binabasag
lalo't naalala ang dilag
bangag nga ba ang aking puso
sa sinta'y laging nalalango
pag siya sa diwa'y tumimo
bangag akong natutuliro
sa dilim ay di padadaig
sa liwanag puso'y pumintig
dapat nang siya'y makaniig
habang bangag pa sa pag-ibig
Walang komento:
Mag-post ng isang Komento